მინისტრთა კაბინეტთან დაკავშირებით ისე საუბრობენ, გეგონება უკვე ჩამოაყალიბეს მთავრობა და გაიმარჯვეს არჩევნებში,- ამის შესახებ პარლამენტის პირველმა ვიცე- სპიკერმა გია ვოლსკიმ ჟურნალისტებთან ოპოზიციის განცხადებების კომენტირებისას განაცხადა. მისივე თქმით, ოპოზიციას მხოლოდ დესტრუქციის მცდელობა აერთიანებს.

"პერსპექტივა არ გააჩნიათ, რომ ეს თემები არათუ გადაწყვიტონ, არამედ საერთოდ ისაუბრონ. საზოგადოებას ინფორმაციას აწვდიან, თითქოს ჰქონდეთ დიდი რესურსი, რომ არჩეულ იქნენ ის ადამიანები, ვინც ხელისუფლებაში ყოფნისას საკითხი არ დატოვეს ისეთი, რომელსაც ჩვენს დღევანდელ ცხოვრებაზე ნეგატიური გავლენა არ ჰქონდეს, პირადად დავით ბაქრაძემაც და ყველა დანარჩენმაც, ვინც მან ახსენა ინტერვიუს დროს. ამ ადამიანებს გამაერთიანებელი არაფერი გააჩნიათ, მათი გამაერთიანებელი არის მხოლოდ მიზანი დესტრუქციისკენ. ვინც უფრო დესტრუქციულია, მას ჰგონია, რომ ლიდერი უნდა იყოს ამ ჯგუფში,"- განაცხადა ვოლსკიმ.

ცნობისათვის, "ევროპული საქართველოს" ლიდერმა დავით ბაქრაძემ განაცხადა, რომ კოალიციურ მთავრობაში, მინისტრთა კაბინეტის შემადგენლობაში მიხეილ სააკაშვილი, ზურაბ ადეიშვილი და ვანო მერაბიშვილი არ უნდა იყვნენ.

იხილეთ ვიდეო:ოპოზიცია მინისტრთა კაბინეტთან დაკავშირებით ისე საუბრობს, გეგონება უკვე ჩამოაყალიბეს მთავრობა და არჩევნებში გაიმარჯვეს - გია ვოლსკი