43 წლის გენადი შუტოვი, რომელსაც ქალაქ ბრესტში 11 აგვისტოს აქციის დროს სამართალდამცავებმა ესროლეს, დღეს მინსკის სამხედრო ჰოსპიტალში გარდაიცვალა,- ამის შესახებ ინფორმაციას ადგილობრივი გამოცემა Tut.by დაღუპულის ნათესავებზე დაყრდნობით ავრცელებს.

მათივე ინფორმაციით, შუტოვს, რომელიც ქალაქ ბრესტის მკვიდრია, ცეცხლსასროლი იარაღით ჭრილობა თავის არეში ჰქონდა მიყენებული.

დაღუპული მამაკაცის ნათესავების განცხადებით, ისინი თვითმხილველებს ესაუბრნენ, რომლებმაც განუცხადეს, რომ აქციის დროს გენადი შუტოვი დაპირისპირებაში ჩართული არ ყოფილა და უბრალოდ ფეხით გადაადგილდებოდა, გასროლა კი შენობის სახურავიდან მოხდა.

გენადი შუტოვი ანტისამთავრობო აქციების მეოთხე მსხვერპლია.