გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუს“ კომპანიიდან აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 21 აგვისტოს, 12:00-დან 16:00 საათამდე, ენერგომომარაგება დროებით შეეზღუდებათ მომხმარებლებს დაბა სტეფანწმინდაში, ყაზბეგის მუნიციპალიტეტის სოფლებში - ცდო, გველეთი, დევდორაკის მთაზე, დარიალში.
12:00-დან 18:00 საათამდე ელექტროენერგიის მიწოდება შეეზღუდება დუშეთის მუნიციპალიტეტის სოფლებს - ანანური, ციხისძირი, ცივწყარო, ზოტიკიანთკარი, თანდილაანთკარი, პავლეური, მენესო, დგნალი, ფიტავი, ჭივილაანები, შალიკიანთკარი, ჟინვალი.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.