მარინა ეზუგბაიას განმარტებით, ინფექციურმა საავადმყოფომ კოვიდ და აივ/შიდსით ინფიცირებული მხოლოდ სტაციონარული პაციენტების მიღება  შეაჩერა, ამბულატორიული მომსახურების გაწევას კი აგრძელებს

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, თბილისის ინფექციურმა საავადმყოფომ დროებით შეაჩერა კოვიდინფიცირებულების და აივ/შიდსით ინფიცირებული სტაციონარული პაციენტების მიღება.

მარინა ეზუგაბაიას ინფორმაციით, ცენტრი აგრძელებს აივ/ შიდსით ინფიცირებული ამბულატორიული პაციენტების მიღებას.

“ჩვენ არ ვწყვეტთ პაციენტების მიღებას, დროებით შევაჩერეთ პაციენტების მიღებას - ეს არის კოვიდინფიცირებულები და აივ/შიდსით ინფიცირებული სტაციონარული პაციენტები.

დანარჩენი პაციენტების აივ/ შიდსით ამბულატორიული და სხვა წარმოშობის ინფექციური ავადმყოფების ცენტრში მიღებას და მკურნალობას ვაგრძელებთ.

ჩვენი მიზანი და მოსახლეობის ინტერესი თანხვედრაშია. ჩვენი და საზოგადოების ინტერესია, რომ ცენტრში მოსახლეობამ მიიღოს მაღალი ხარისხის მომსახურეობა, მაღალი ხარისხის მომსახურეობის განუყოფელი ნაწილია სამედიცინო პერსონალის მაღალპროფესიონალიზმი, რომელიც არაერთხელ დაგვიმტკიცებია ეპიდემიის მართვისას.

ამასთან, ხარისხის შენარჩუნებისთვის აუცილებელია გამართული ინფრასტრუქტურა, გამართული ინფრასტრუქტურის მოთხოვნა დღევანდელ პერიოდში არ არის ჩვენი ცენტრის ფუფუნება, ეს არის გადაუდებელი, სასიცოცხლო საჭიროება, ისიც რაც შეიძლება მალე“,-განაცხადა ეზუგბაიამ.

შეგახსენებთ, რომ ინფექციური საავადმყოფო აივ/შიდსის პროგრამიდან დროებით გავიდა, რა გადაწყვეტილებითაც ჯანდაცვის სამინისტრო უკმაყოფილოა. როგორც მინისტრმა ეკატერინე ტიკარაძემ გუშინ განაცხადა, გადაწყვეტილების შესახებ კლინიკის ხელმძღვანელობის მხრიდან სამინსტროს წინასწარი ინფორმირება არ მომხდარა, რიც გამოც ტიკარაძემ არ გამორიცხა, რომ ინფექციური საავადმყოფო კანონის მიხედვით დაჯარიმდეს.

იხილეთ ვიდეო:ინფექციური საავადმყოფო აივ/შიდსის პროგრამიდან გასვლის მიზეზებს განმარტავს

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს