გამოკვლევებმა ალექსეი ნავალნის ორგანიზმში საწამლავის კვალი არ გამოავლინა, –რუსული მედიის ინფორმაციით, ამის შესახებ ომსკის საავადმყოფოს მთავარი ექიმის მოადგილემ, ანატოლი კალინიჩენკომ, განაცხადა.
„საწამლავი ან საწამლავის კვალი მის ორგანიზმში არ აღმოჩნდა. მოწამვლის დიაგნოზზე მაინც ვფიქრობთ, მაგრამ არ მიგვაჩნია, რომ პაციენტი მოწამლულია,”– განაცხადა ანატოლი კალინიჩენკომ.
მისივე თქმით, ექიმებმა დიაგნოზი დაადგინეს, თუმცა ისინი ამის შესახებ ინფორმაციას მედიას არ გააცნობენ. ანატოლი კალინიჩენკო აცხადებს, რომ პაციენტის მეუღლე და ძმა ინფორმირებულნი არიან დიაგნოზის შესახებ.
შეგახსენებთ, ოპოზიციონერი ალექსეი ნავალნი ქალაქ ომსკის საავადმყოფოს რეანიმაციულ განყოფილებაში უგონო მდგომარეობაში იმყოფება. ნავალნის პრესსპიკერი აცხადებს, რომ პოლიტიკოსი მოწამლულია.