ირლანდიის სოფლის მეურნეობის მინისტრი დარა კალეარი კორონავირუსთან დაკავშირებული შეზღუდვების დარღვევისთვის თანამდებობას ტოვებს. ის ღონისძიებაში მონაწილეობდა, სადაც 80 ადამიანზე მეტი იმყოფებოდა, რაც შეზღუდვების დარღვევაა. ამის შესახებ ირლანდიის მედია იუწყება.
ირლანდიის პრემიერ-მინისტრმა მაიკლ მარტინმა მინისტრის გადადგომის შესახებ განცხადება დააკმაყოფილა.
აღსანიშნავია, რომ დარი კალეარის გარდა, ამავე ღონისძიებას სტუმრობდა ევროკომისარი ფილ ჰოგანი, რომელიც ასევე, მკაცრი კრიტიკის ობიექტი გახდა.
მიმდინარე კვირას ირლანდიის ხელისუფლებამ ახალი შეზღუდვები დააწესა, რომელიც მრავალრიცხოვან შეკრებებს ეხება და კრძალავს ოფიციალურ და არაოფიციალურ ღონისძიებებს, წვეულებებს რესტორნებში, კაფეებსა და სასტუმროს რესტორნებში.