სერგო ჩიხლაძე - ჩვენმა ძალისხმევამ შედეგი გამოიღო, ონკოლოგიური პაციენტების მკურნალობა დაფინანსდება, მაგრამ ეს საკმარისი არაა, მკაცრად გავაკონტროლებთ ამ პროცესს

„სტრატეგია აღმაშენებლის“ ერთ-ერთი ლიდერი სერგო ჩიხლაძე მთავრობის ახალ ინიციატივას ონკოლოგიური პაციენტების დაფინანსების გაზრდასთან დაკავშირებით მიესალმება, თუმცა მიიჩნევს, რომ ამ მიმართულებით სამუშაო კიდევ ბევრია.

სერგო ჩიხლაძის თქმით, ნოემბრიდან ონკოლოგიური პაციენტების მკურნალობის მიმართულებით განხორციელებული გეგმები ბევრად სრულფასოვანი იქნება.

„ჩვენმა საერთო ძალისხმევამ შედეგი გამოიღო, ონკოლოგიური პაციენტების მკურნალობა დაფინანსდება, მაგრამ ეს საკმარისი არ არის, მკაცრად გავაკონტროლებთ ამ პროცესს. ნამდვილად მისასალმებელია, რომ მთავრობამ როგორც იქნა წლების მერე გადაწყვიტა, რომ მკურნალობის კომპონენტში გააფართოვოს ხელმისაწვდომობა, მაგრამ ერთ-ერთი უმთავრესი კომპონენტი არის პრევენცია და ადრეული დიაგნოსტიკა, რადგანაც ერთ-ერთი მთავარი პრობლემა საქართველოში გვიანი დიაგნოსტიკა. შემთხვევების 60%-ის დიაგნოსტიკა მესამე, მეოთხე სტადიაზე ხდება, მთელი რიგი მიმართულებებით.

ზუსტად პრევენცია, ადრეული დიაგნოსტიკა და მათი ინტეგრირება პირველად ჯანდაცვაში იქნება და არის ჩვენი გეგმის პრიორიტეტი და ამას ჩვენ აუცილებლად გავაკეთებთ ნოემბრიდან. სრულად დაიფარება და ჩვენი ძალისმხმევა მოხმარდება დარგის განვითარებას, დაწყებული პრევენციიდან, სკრინინგიდან, ადრეული დიაგნოსტიკიდან, დამთავრებული მკურნალობით და მათ შორის პალიატირული მოვლით“, - აცხადებს სერგო ჩიხლაძე.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 21.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს