ლიბიის ეროვნული თანხმობის მთავრობამ ცეცხლის შეწყვეტის გადაწყვეტილება მიიღო, - ამის შესახებ ინფორმაციას „როიტერსი“ მთავრობის მიერ გავრცელებულ განცხადებაზე დაყრდნობით ავრცელებს.

სააგენტოს ცნობით, მთავრობის მეთაურმა ფაიეზ ალ სარაჯიმ სამხედრო ძალებს ცეცხლის დაუყოვნებლივ შეწყვეტის დავალება მისცა.

„ფაიეზ ალ სარაჯიმ სამხედრო ძალებს დაავალა, დაუყოვნებლივ შეწყვიტონ ცეცხლი და ყველა სახის საბრძოლო ოპერაცია მთელი ტრიპოლის ტერიტორიაზე,“- აღნიშნულია მთავრობის განცხადებაში.

ცნობისათვის, ლიბიის ეროვნული თანხმობის მთავრობას კონფლიქტი აქვს ლიბიის ეროვნულ არმიასთან, რომელსაც გენერალი ხალიფა ჰაფტარი უდგას სათავეში. ლიბიის ეროვნული თანხმობის მთავრობა საერთაშორისო საზოგადოების მიერაა აღიარებული, თუმცა ქვეყნის მხოლოდ დაასავლეთ ნაწილს აკონტროლებს. ლიბიის ეროვნულ არმიას კი მხარს უჭერენ არაბთა გაერთიანებული საამიროები, ეგვიპტე და რუსეთი.