არჩილ თალაკვაძე - ზაურ დარგალს სრული შესაძლებლობა აქვს, იყოს წარმატებული პარლამენტარი

ვფიქრობ,ზაურ დარგალს სრული შესაძლებლობა აქვს იყოს წარმატებული პარლამენტარი და თქვენი მაჟორიტარი. ახალგაზრდა ენერგიული კაცია, მას აქვს საპარლამენტო და სამთავრობო გუნდის მხარდაჭერა, - ამის შესახებ პარლამენტის თავმჯდომარე არჩილ თალაკვაძემ მარნეულში, მარნეული-გარდაბნის მაჟორიტარი დეპუტატობის კანდიდატის ზაურ დარგალის წარდგენისას განაცხადა.

თალაკვაძის თქმით, ზაურ დარგალს აქვს იმის უნარი და შესაძლებლობა, დაამუშავოს საჭირო პროექტები და გადაწყვიტოს.

„თქვენი მხარდაჭერით, „ქართულმა ოცნებამ“ ყველაზე უკეთ მოახერხა მშვიდობისა და სტაბილურობის დაცვა, ეს არის ქვეყნის განვითარებისა და მომავლის ფუნდამენტური პირობა. „ქართულმა ოცნებამ“ ყველაზე უკეთ შეძლო ადამიანის ჯანმრთელობაზე ზრუნვა, ადამიანის უფლებების დაცვა. მძიმე დღეებმა, რომელიც ერთად გამოვიარეთ გლობალური პანდემიის პირობებში, კიდევ ერთხელ დაგვანახა, რომ ქვეყანას ჰყავს ძალიან ღირსეული მოქალაქეები, მათ შორის მარნეულში. ქვეყანას ჰყავს ძალიან ღირსეული და ეფექტური ხელისუფლება. პრემიერ-მინისტრ გიორგი გახარიას ხელმძღვანელობით, ხელისუფლებამ და საზოგადოებამ ერთად შევძელით, შეგვეკავებინა ვირუსის ფართოდ გავრცელება. დღეს, ჩვენი ქვეყანა ატარებს დემოკრატიულ არჩევნებს. დღეს, ჩვენ ვსაუბრობთ მომავალზე, გვაქვს გეგმები და ქვეყანაში გვაქვს სტაბილური ვითარება. ზუსტად ეს არის იმის დამსახურება, რომ ამ წლების განმავლობაში ჩვენ ერთად შევქმენით დემოკრატიული სახელმწიფო, ძლიერი ინსტიტუტები და ამავე დროს, შევძელით, რომ ერთად ვყოფილიყავით გამოწვევებსა თუ პროგრესში. იმედს ვიტოვებ, რომ მომავალშიც ასე გაგრძელდება. ჩვენ გვაქვს გეგმები განათლების სფერში, რეფორმები, ბიზნესის ხელშეწყობა, ფერმერთა დახმარება, მთელი რიგი პროგრამები, რომელიც მოიტანს ახალ სამუშაო ადგილებს, ოჯახებისთვის მოიტანს ახალ ეკონომიკას და ჩვენს ქვეყანას გააძლიერებს“, - განაცხადა თალაკვაძემ.

მისი თქმით, ზაურ დარგალი არის პროგრესული საჯარო მოხელე.

„ვფიქრობ, ამ მძიმე დღეებში, რომელიც ერთად გამოვიარეთ, ზაურმა დაამტკიცა, რომ ის თავის ქალაქის ღირსეული მერია. მან თავის არჩევანი გაამართლა და დარწმუნებული ვარ, რომ ახლაც, საპარლამენტი არჩევნებში გამარჯვების შემდეგაც ის თავის არჩევანს გაამართლებს“, - განაცხადა თალაკვაძემ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო