გერმანელი ექიმები, პროფესიონალი რეანიმატოლოგები, რომლებმაც ალექსეი ნავალნი გასინჯეს, მივიდნენ დასკვნამდე, რომ მისი ტრანსპორტირება შესაძლებელია,- ამის შესახებ ნავალნის პრესსპიკერმა კირა იარმიშმა განაცხადა.
„მათ თვითმფრინავში არსებული აღჭურვილობა, ბერლინის საუნივერსიტეტო საავადმყოფოში მისი უსაფრთხოდ და დაუყოვნებლივ გადაყვანის საშუალებას იძლევა“, - წერს კირა იარმიში სოციალურ ქსელ „ტვიტერში.“
შეგახსენებთ, გერმანიის საჰაერო სასწრაფო დახმარების თვითმფინავი ალექსეი ნავალნის ტრანსპორტირებისთვის ომსკში დღეს ჩაფრინდა. ომსკის საავადმყოფოს ექიმები აცხადებენ, რომ ნავალნის ჯანმრთელობის მდგომარეობა მისი ტრანსპორტირების საშუალებას არ იძლევა.