თამარ ბაჩალიაშვილის ოჯახის ადვოკატის ინფორმაციით, დღეს პროკურატურასთან ერთად სათვალთვალო კამერების ჩანაწერებს დაათვალიერებენ
თბილისის პროკურატურაში 23 წლის პროგრამისტის, თამარ ბაჩალიაშვილის ოჯახის ადვოკატი, მიხეილ რამიშვილი მივიდა.
ადვოკატის ინფორმაციით, დღეს პროკურატურასთან ერთად სათვალთვალო კამერების ვიდეო ჩანაწერების დათვალიერება მოხდება, ასევე განიხილავენ საქმეში არსებულ ჩვენებებსა და მნიშვნელოვან საკითხებს.
„საქმის მასალას უნდა გავეცნოთ, ვიდეო ჩანაწერებს სათვალთვალო კამერიდან, ასევე განვიხილოთ ჩვენებები და საკითხები პროკურატურასთან ერთად“, - აღნიშნა მიხეილ რამიშვილმა.
ადვოკატის განცხადებით, დღესვე დაგეგმილია შეხვედრა „ჰიუნდაის" წარმომადგენლებთან ერთად, რათა დადგინდეს შესაძლებელია თუ არა ავტომობილისთვის ექსპერტიზის ჩასატარებლად შესაბამისი სპეციალური აპარატურის შეძენა.
„დღეს დაგეგმილია შეხვედრა „ჰიუნდაის“ წარმომადგენლებთან ავტომობილის ექსპერტიზასთან დაკავშირებით, უნდა ჩატარდეს ავტომობილის ექსპერტიზა და გვაინტერესებს თუ არის შესაძლებლობა სპეციალური აპარატურა იყოს შეძენილი," - განაცხადა მიხეილ რამიშვილმა.
