გერმანიაში კორონავირუსის 2 034 ახალი შემთხვევა დადასტურდა და ინფიცირებულთა საერთო რაოდენობა 232 082-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს. ამავე მონაცემების თანახმად, ქვეყანაში კოვიდ 19-ს კიდევ 7 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 9 267-ს მიაღწია.
აღსანიშნავია, რომ გერმანიაში, ბოლო დღეების განმავლობაში, ინფიცირების შემთხვევებმა მნიშვნელოვნად მოიმატა.