სომხეთში, ბოლო დღე-ღამეში, კორონავირუსის 139 ახალი შემთხვევა გამოვლინდა და ინფიცირებულთა საერთო რაოდენობა 42 616-მდე გაიზარდა, - ამის შესახებ ინფორმაციას ადგილობრივი მედია სომხეთის ჯანდაცვის სამინისტროს დაავადებათა კონტროლისა და პრევენციის ცენტრზე დაყრდნობით ავრცელებს.

მათივე განცხადებით, 24 საათში ქვეყანაში „კოვიდ 19“-ს კიდევ 8 ადამიანის სიცოცხლე ემსხვერპლა და დაღუპულთა რიცხვმა 850 -ს მიაღწია. ბოლო მონაცემებით, სომხეთში, საერთო ჯამში, კორონავირუსით დაინფიცირებული 35 907 პაციენტი გამოჯანმრთელდა, ამჟამად კი 5 605 ადამიანი მკურნალობს.