ალექსეი ნავალნი ბერლინის საავადმყოფოში გადაიყვანეს

რუსი ოპოზიციონერი პოლიტიკოსი ალექსეი ნავალნი სასწრაფო სამედიცინო დახმარების ავტომობილით ბერლინში მდებარე საავადმყოფოში გადაიყვანეს. ნავალნის გერმანიაში ტრანსპორტირების ხარჯებს გერმანული არასამთავრობო ორგანიზაცია Cinema for Peace-ი ფარავს.

ამავე ორგანიზაციის დამფუძნებელმა გამოცემა Bild-ს განუცხადა, რომ ნავალნის მდგომარეობა როგორც ფრენის, ასევე გერმანიაში დაშვების დროს სტაბილური იყო.

რუსეთის ოპოზიციის ლიდერს ბერლინის საუნივერსიტეტო საავადმყოფო Charité-ში უმკურნალებენ. ის ამჟამად კომაში, ხელოვნური სუნთქვის აპარატზე იმყოფება.

შეგახსენებთ, რომ თავდაპირველად რუსი ექიმები ნავალნის ტრანსპორტირების წინააღმდეგი იყვნენ, თუმცა, მოგვიანებით განაცხადეს, რომ პაციენტის მდგომარეობა დასტაბილურდა და მის გერმანიაში გადაყვანას დასთანხმდნენ.

იხილეთ ვიდეო: ალექსეი ნავალნი სამკურნალოდ გერმანიაში ჩაიყვანეს

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა