ევროკავშირის ელჩის მოადგილე - ხაშურის შემოვლითი გზის დასრულება  აღმოსავლეთ-დასავლეთის ჩქაროსნული გზის მშენებლობის ფარგლებში საეტაპო მომენტია

ხაშურის შემოვლითი გზის დასრულება საეტაპო მომენტია საქართველოს აღმოსავლეთ-დასავლეთის ჩქაროსნული გზის მშენებლობის ფარგლებში, - ამის შესახებ ვეროკავშირის ელჩის მოადგილემ ასუნსიონ სანჩეს რუისმა ხაშურის შემოვლითი გზის გახსნის ღონისძიებაზე მედიასთან განაცხადა.

მან ხაზი გაუსვა, რომ ევროკავშირი დიდი სიხარულით მონაწილეობდა ამ პროექტში.

“ჩვენ მხარს ვუჭერდით ამ გზის მშენებლობას ევროპის საინვესტიციო ბანკთან ერთად და ახლო მომავალში, ამ მონაკვეთის საბოლოოდ დასრულებას ველით.

ასევე, მოგეხსენებათ, რომ სატრანსპორტო კვანძები ევროკავშირის დღის წესრიგში მნიშვნელოვან ადგილს იკავებს. ეს საკითხი მნიშვნელოვანია ასოცირების შეთანხმების ფარგლებშიც. ამ დარგის განვითარებას ჩვენი დახმარებით ვუწყობთ ხელს.

იმედი გვაქვს, რომ ხაშურის შემოვლითი გზა და ჩქაროსნული გზატკეცილის ამ მონაკვეთის მშენებლობის დასრულება თავის წვლილს შეიტანს რეგიონში ბიზნესის წარმოების განვითარებაში და საქართველოს მოქალაქეებს მგზავრობის დროსაც შეუმცირებს”, - აღნიშნა ევროკავშირის ელჩის მოადგილემ.

შეგახსენებთ, ხაშურის შემოვლითი, 13 კმ-იანი ახალი გზა დღეს გაიხსნა. აღმოსავლეთ–დასავლეთის ჩქაროსნული ავტომაგისტრალის (E60-ის) შემადგენელი, ზემო ოსიაური-ჩუმათელეთის პროექტის ნაწილი – ხაშურის შემოვლითი გზა საქართველოს პრემიერ-მინისტრმა, გიორგი გახარიამ ვიცე-პრემიერთან, რეგიონული განვითარებისა და ინფრასტრუქტურის მინისტრ მაია ცქიტიშვილთან ერთად გახსნა.

ინფორმაციას საქართველოს მთავრობის ადმინისტრაციის პრესსამსახური ავრცელებს.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს