შაქარაშვილის საქმეზე ბრალდებული არასრულწლოვნის მამა აცხადებს, რომ შეკითხვებს მხოლოდ მოსამართლის თანდასწრებით უპასუხებს

გიორგი შაქრაშვილის განზრახ მკვლელობაში ბრალდებული ერთ-ერთი არასრულწლოვნის ზ.ხ-ს მამა თამაზ ხომასურიძე აცხადებს, რომ შსს-ში მის მიერ დაჯგუფება "თეთრ ისართან" დაკავშირებით გაკეთებული განცხადებით დაინტერესდნენ, თუმცა შეკითხვებს არ უპასუხა. როგორც უწყებიდან გამოსვლის შემდეგ თამაზ ხომასურიძემ ჟურნალისტებს განუცხადა, ის შეკითხვებს მხოლოდ მოსამართლის თანდასწრებით უპასუხებს.

მისივე განმარტებით, დაჯგუფებამ "თეთრი ისარი" მას მოწმე გურამ ამირხანაშვილსა და ადვოკატ მირიან ნიკოლაძეზე ინფორმაცია მიაწოდა, რომ „განაჩენი გამოტანილია". რა იგულისხმება განაჩენის გამოტანაში, ხომასურიძე არ აკონკრეტებს და ითხოვს, რომ მირიან ნიკოლაძეს და გური ამირხანაშვილს სახელმწიფო დაცვა გამოუყონ.

მისივე განმარტებით, "თეთრი ისარი" თვითონ დაუკავშირდა მას, აღნიშნული დაჯგუფება კი, "გახმაურებულ საქმეზე მუშაობს".

"თუ მოსამართლე გამოსცემს განჩინებას, ამ შემთხვევაში ვიქნები ვალდებული, რომ კითხვებს ვუპასუხო, ამ ეტაპზე კი აღარაფერს ვამბობ. არც ერთ კითხვას არ ვუპასუხე, ფიზიკურადაც არ შემიძლია, რადგან 4 დღე ვშიმშილობდი. თუმცა, არ ეგონოთ, რომ გამტეხავენ. სულ რომ ვკვდებოდე, ვერ გამტეხავენ. მე ჩემი მოვალეობა შევასრულე და გუშინ ეთერში, გური ამირხანაშვილი და მირიან ნიკოლაძე გავაფრთხილე, რომ მათთან მიმართებით შესაძლოა რაღაც მოხდეს. ერთზე მითხრეს, რომ განაჩენი უკვე გამოტანილია და მეორეზე მითხრეს, რომ არ იციან ჯერ როგორ მოიქცევა. ვთხოვ, სახელმწიფოს, რომ ორივეს დაცვა გამოუყონ... არ გამოვრიცხავ, რომ დამაკავონ, რადგან იციან, რომ ვაგროვებ მტკიცებულებებს. ან ლიკვიდაცია უნდა გამიკეთონ, ან დამიჭირონ, სხვა მხრივ, ვერ გამაჩუმებენ! ჩემი სამომავლო ნაბიჯი იქნება ის, რომ ჩემი ხარჯებით ხალხს შევკრებ და ჩემს შვილს სიცრუის დეტექტორზე გავატარებ", - განაცხადა თამაზ ხომასურიძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 21.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს