ასტეროიდი „2018 VP1“ 2 ნოემბერს დედამიწას მინიმალურად დაშორებულ მანძილზე ჩაუვლის. ამის შესახებ ამერიკის კოსმოსური სააგენტო „ნასა“-ს ერთ-ერთი განყოფილება იუწყება.

ინფორმაციაში აღნიშნულია, რომ „2018 VP1“ დედამიწას 384 ათასი კილომეტრის დაშორებით ჩაუვლის.

სააგენტოში აღნიშნეს, რომ იმის ალბათობა, შევა თუ არა ასტეროიდი ჩვენი პლანეტის ატმოსფეროში, 0.41%-ია.

აღნიშნული ასტეროიდი 2018 წლის 3 ნოემბერს აღმოაჩინეს, ის „აპოლონების“ ჯგუფს განეკუთვნება, რომლებიც დედამიწის ორბიტას კვეთენ.