თბილისის პროკურატურაში თამარ ბაჩალიაშვილის ოჯახის წევრები და ადვოკატი მივიდნენ

თბილისის პროკურატურაში თამარ ბაჩალიაშვილის ოჯახის წევრები და ადვოკატი მიხეილ რამიშვილი მივიდნენ.

როგორც მიხეილ რამიშვილმა ჟურნალისტებს განუცხადა, პროკურატურაში მისვლის მიზეზი საქმის დეტალების გაცნობა და კითხვებზე პასუხის მიღებაა.

„ვეცნობით საქმის დეტალებს და კითხვებთან დაკავშირებით ველოდებით პასუხებს. ჩვენ ჩვენს პოზიციებს ყოველთვის ვამყარებთ იმ თვალსაზრისით, რომ გარკვეულ ჩვენებებთან დაკავშირებით ველოდებით რა ქმედებებს განახორციელებს გამოძიება”, - განაცხადა მიხეილ რამიშვილმა პროკურატურაში შესვლამდე.

მისივე თქმით, მათი მოთხოვნა ყველა იმ ადამიანის ხელახლა დაკითხვაა, რომელთა ჩვენებები არის ზოგადი.

„ადამიანების ნაწილის ჩვენებები ძალიან ზოგადია და ვითხოვთ მათ ხელახლა დაკითხვას. მათი ჩვენებები საქმესთან მიმართებაში დაუზუსტებელია. ესენი არიან მწყემსის შვილი და გარკვეული პირები, რომლებსაც არ დავაკონკრეტებ”, -განაცხადა რამიშვილმა.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5 - დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

იხილეთ ვიდეო:თამარ ბაჩალიაშვილების ოჯახის ადვოკატი თბილისის პროკურატურაში იმყოფება

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს