ნინო ვიბლიანი - მესტიაში სტაბილური სიტუაციაა, ამ დროისთვის გარესამყაროს ადიშის თემია მოწყვეტილი

მესტიის მუნიციპალიტეტის სოფელი ადიში გარესამყაროს კვლავ მოწყვეტილია. როგორც „ინტერპრესნიუსს“ სახელმწიფო რწმუნებულის მოადგილე ნინო ვიბლიანმა განუცხადა, გზის აღდგენას დაახლოებით ორი დღე დასჭირდება, თუმცა, როგორც თავად განმარტავს, ეს დროებითი გზა იქნება.

„სიტუაცია მესტიაში სტაბილურია. ადიშის თემია მოწყვეტილი, 400 მეტრამდე სავალი გზა არის წაღებული. დღეის მდგომარეობით, მიმდინარეობს აღდგენითი სამუშაოები. დაახლოებით ერთი-ორი დღე დასჭირდება დროებითი სავალის აღდგენას, თუმცა, ეს არ იქნება სამუდამო გზა, დროებითი გადაადგილების საშუალება იქნება, შემდეგ იქნება შესაბამისი გადაწყვეტილება მიღებული პროექტირების. ადიშში ჯერჯერობით, რაიმე გაჭირვება ან მედიკამენტების ან პროდუქტის არ არის, თუმცა, ასეთის არსებობის შემთხვევაში, მთელი მუნიციპალიტეტი მობილიზებულია და ყურადღება იქნება,“- განაცხადა ვიბლიანმა.

რაც შეეხება ლენჯერისა და მულახის თემს, როგორც ვიბლიანი ამბობს, დაზიანებულია სავარგულებისკენ მიმავალი გზები. მისივე ინფორმაციით, ამ დროისთვის უკვე მოხერხდა უშგულთან დამაკავშირებელი გზის აღდგენა.

„უშგულის დამაკავშირებელ გზაზე პრობლემა გუშინვე მოგვარდა. მეწყერი იყო ჩამოწოლილი, გაიწმინდა, თუმცა, იქაც საპროექტო სამუშაოები იქნება საჭირო, რომ ნაპირი გამაგრდეს. ასევე სავარგულებისკენ მიმავალი გზები არის მოწყვეტილი, რომელსაც აღდგენა სჭირდება.

რაც შეეხება ზარალს, ამაზე ვერ ვისაუბრებ, რადგან სხვადასხვა ლოკაციაა დაზიანებული და ამას ღრმა კვლევა სჭირდება“, - განაცხადა ვიბლიანმა.

შეგახსენებთ, სტიქიამ მესტიის მუნიციპალიტეტში ადიშის, მულახის და ლენჯერის თემში პრობლემა შექმნა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა