ბელარუსის ყოფილი საპრეზიდენტო კანდიდატი, სვეტლანა ტიხანოვსკაია იმედს გამოთქვამს, რომ მოქმედ ხელისუფლებასთან დიალოგი მალე დაიწყება.

„საკოორდინაციო საბჭოს მიზანი მოქმედ ხელისუფლებასთან დიალოგის წარმოების ორგანიზებაა. იმედი მაქვს, ეს დიალოგი მალე გაიმართება, მაგრამ ამის უპირველესი პირობა პოლიტიკური პატიმრების გათავისუფლებაა,“ - განაცხადა ტიხანოვსკაიამ პოლონულ გამოცემა Gazeta Wyborcza-სთან ინტერვიუში.

რაც შეეხება სამომავლო გეგმებს, ტიხანოვსკაიამ აღნიშნა, რომ ხელახალი არჩევნების ჩატარების შემთხვევაში კენჭისყრას აღარ აპირებს, თუმცა არ გამორიცხავს, რომ პრეზიდენტობისთვის მისმა ქმარმა იბრძოლოს, თავად კი მოღვაწეობის გაგრძელებას ადამიანის უფლებების დაცვის ორგანიზაციებში გეგმავს.

„თუმცა ამაზე საუბარი ჯერ ძალიან ადრეა. მთავარი მიზანი ახალი არჩევნების ჩატარებაა,“ - განაცხადა ტიხანოვსკაიამ.

შეგახსენებთ, ბელარუსში 9 აგვისტოს გამართული საპრეზიდენტო არჩევნების შემდეგ საპროტესტო აქციები არ წყდება. დემონსტრანტები არჩევნების ოფიციალურ შედეგებს არ ცნობენ, პრეზიდენტ ალექსანდრე ლუკაშენკოს გადადგომასა და ხელახალი არჩევნებს ჩატარებას ითხოვენ. არჩევნების შემდეგ ბელარუსის ყოფილმა საპრეზდენტო კანდიდატმა სვეტლანა ტიხანოვსკაიამ ქვეყანა დატოვა და პოლონეთს შეაფარა თავი.