მე პირადად, ყოველთვის ვარ ჩემი სიტყვისა და ჩემი ხელმოწერის ერთგული, ამასვე მოვითხოვ ყველა სხვა ოპოზიციური პარტიისგან. "სიტყვის კაცობა" პოლიტიკაშიც არის გადამწყვეტი, ჩვენი ქვეყნის განვითარებისთვისაც“, - ამის შესახებ "სტრატეგია აღმაშენებლის" ლიდერმა გიორგი ვაშაძემ განაცხადა, რითიც ის "ნაციონალური მოძრაობის" მიერ ისანში მაჟორიტარი დეპუტატობის კანდიდატის შესაძლო წარდგენის საკითხს გამოეხმაურა.

როგორც მან ჟურნალისტებს განუცხადა, თითოეული ოპოზიციონერი ლიდერი და თითოეული ოპოზიციური პოლიტიკური ძალა ყველა შეთანხმებას და გაცემულ პირობას უნდა გაუფრთხილდეს. ამასთან, როგორც მან აღნიშნა, "ქართულ ოცნებასთან" კოალიციას არ განიხილავს.

"ვფიქრობ, რომ უნდა ჩამოყალიბდეს პროდასავლური კოალიცია იმ პარტიებისგან, რომელიც არის ოპოზიციაში და ჩვენი გუნდი იცით ვისაც წარადგენს პრემიერ-მინისტრად. სიტყვისა და შეთანხების ერთგულება არის პრინციპი, რომელიც უნდა დაედოს მომავალში კოალიციურ მმართველობას. თუ ვინმე ამას დაარღვევს, ძალიან ცუდი იქნება. იმედი მაქვს არც "ნაიცონალური მოძრაობა" და არც რომელიმე პოლიტიკური ძალა არ დაარღვევს არცერთ შეთანხმებას, ეს, პირველ რიგში, მათთვის იქნება ცუდი, სიტყვის გამტეხი პოლიტიკური ძალა არავის სჭირდება", - განაცხადა ვაშაძემ.