ალეკო ელისაშვილი - როდემდე უნდა ვიყოთ მსგავსი ფაქტებით შეძრულები და ვითვლიდეთ გარდაცვლილებს გზებზე?

„მოქალაქეების” ლიდერი ალეკო ელისაშვილი დუშეთის მუნიციპალიტეტში, შატილის გზაზე მომხდარი ტრაგედიის დროს დაღუპულთა ოჯახის წევრებს და ახლობლებს უსამძიმრებს.

"ჩემი და ჩვენი გუნდის - "მოქალაქეები" სახელით ვუსამძირებ გარდაცვლილთა ოჯახის წევრებს და ახლობლებს. ყველანი შემზარავი ტრაგედიის მომსწრენი გავხდით. ეს არის სრულიად საქართველოს ტრაგედია. შემზარავი ქვეყანა გავხდით, მერამდენე მსგავსი შემთხვევა უნდა მოხდეს, როდემდე შეიძლება ერთი და იგივე გრძელდებოდეს? თუ რამე უნდა გამკაცრდეს, პირველ რიგში, გადაადგილებასთან დაკავშირებული რეგულაციებია და თავად გზებიც უნდა მოწესრიგდეს. სულ რამდენიმე ასეთი ღირსშესანიშნავი ადგილი გვაქვს - დუშეთი და ხევსურეთი, სადაც ყოველთვის ხდება მსგავსი შემთხვევები, ე.ი. უნდა დავარისხოთ ზარები და ყველამ ყველაფერი გავაკეთოთ იმისთვის, რომ ის გზები გზებს დაემსგავსოს. როდემდე უნდა ვიყოთ მსგავსი ფაქტებით შეძრულები და ვითვლიდეთ გარდაცვლილებს გზებზე" , - აცხადებს ალეკო ელისაშვილი.

შეგახსენებთ, შატილის გზაზე მიკროავტობუსი 80 მეტრის სიმაღლიდან გადავარდა, რის შედეგად 17 ადამიანი გარდაიცვალა, 3 მძიმედ დაშავდა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა