"ნაციონალური მოძრაობის" ერთ-ერთი ლიდერის, თინათინ ბოკუაჩავას განცხადებით, ამ ეტაპზე პარტიაში ისანში მაჟორიტარი დეპუტატობის კანდიდატის წარდგენასთან დაკავშირებით გადაწყვეტილება მიღებული არაა. ამის შესახებ მან ჟურნალისტებს განუცხადა.
"იცით, რომ ამ ეტაპაზე "ნაციონალურ მოძრაობაში" მიმდინარეობს მსჯელობა. ჩვენ ვიყავით ინიციატორი იმის, რომ თბილისში მხოლოდ ორ ოლქში ვყოფილიყავით წარმოდგენილები, დანარჩენ 6 ოლქში სხვა ოპოზიციური პარტიები შეთანხმებულიყვნენ ერთ კანდიდატზე. სამწუხაროდ, ეს მათ ვერ შეძლეს. ამან კითხვის ნიშნის ქვეშ დააყენა ჩვენი ეს ინიციატივა. ჯერჯერობით, საბოლოო გადწყვეტილება ისანთან დაკავშირებით არ არის მიღებული", - განაცხადა თინათინ ბოკუჩავამ.
შეგახსენებთ, რომ ისანში ოპოზიციური პარტიების ერთიანი მაჟორიტარი კანდიდატი გიორგი ვაშაძეა, თუმცა „ნაციონალური მოძრაობა“ აღნიშნულ ოლქში საკუთარი კანდიდატის წარდგენის შესახებ ალაპარაკდა, რაც ვაშაძემ ოპოზიციური გაერთიანება „ძალა ერთობაშია“ დატოვა.