ეკა ლალიაშვილი - დროა, პრემიერი დაინტერესდეს და პრიორიტეტულ საკითხად გამოაცხადოს გზებზე მსხვერპლის შემცირება

„საქართველოს ალიანსი უსაფრთხო გზებისთვის“ გამგეობის თავმჯდომარე ეკა ლალიაშვილი მიიჩნევს, რომ დროა, პრემიერ-მინისტრი დაინტერესდეს და პრიორიტეტულ საკითხად გამოაცხადოს გზებზე მსხვერპლის შემცირება.

მისივე თქმით, შატილის ტრაგედიამ მკაფიოდ დაგვანახა თუ რამდენად დიდი გამოწვევების წინაშე დგას თითოეული ჩვენგანი ვინც გადაადგილდება ტურისტულ ზონებში თუ სხვა გზებზე.

„წლებია ვსაუბრობთ, რომ ყოველწლიურად გვეღუპება 500-მდე ადამიანი და 8 000-მდე პირი იღებს დაზიანებას და ამ მსხვერპლის დიდი ნაწილი ახალგაზრდები არიან, ადამიანები, რომლებიც ჩვენი ქვეყნის გენოფონდს წარმოადგენენ. საერთაშორისო მრავალწლიანი გამოცდილება გვიჩვენებს, რომ საგზაო შემთხვევებში მსხვერპლის შემცირება შესაძლებელია, მაგრამ ამას სჭირდება როგორც სახელმწიფოს, ასევე საზოგადოების ჩართულობა. საგზაო უსაფრთხოება მეტად კომპლექსური საკითხია და საჭიროებს უწყებათაშორის ეფექტურ, მიზანმიმართულ, შედეგზე ორიენტირებულ მუშაობას. ბოლო თვეებში „კოვიდ19“-თან ბრძოლაში სახელმწიფოს მიერ გატარებულმა ღონისძებებმა დაგვანახა, რომ თუ პოლიტიკური ნება არსებობს სერიოზულ გამოწვევებთან გამკლავება შესაძლებელია! საქართველოში ბოლო 6 თვეში „კოვიდ 19“-ით 17 ადამიანი დაიღუპა, საგზაო შემთხვევებში კი მხოლოდ ერთ თვეში გვეღუპება საშუალოდ 40 ადამიანი. მეტი ძალისხმევა რომ მოხმარდეს საგზაო შემთხვევებთან ბრძოლას, ასობით ადამიანს გადავარჩენთ გზებზე დაღუპვისგან. დროა, პრემიერ-მინისტრი დაინტერესდეს და პრიორიტეტულ საკითხად გამოაცხადოს გზებზე მსხვერპლის შემცირება“, - აცხადებს ეკა ლალიაშვილი.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს