პარტია „რეფორმერი“ შატილის გზაზე მომხდარ ტრაგედიას ეხმაურება. პარტია გარდაცვლილთა ოჯახებს უსამძიმრებს და მათ თანაგრძნობას უცხადებს.

,,ეს არის წარმოუდგენელი ტრაგედია ჩვენი ქვეყნისთვის. დიდ მწუხარებას გამოვხატავთ მომხდარი ავტოკატასტროფის გამო, რომელსაც 17 ადამიანის სიცოცხლე შეეწირა. რთულია ასეთ დროს ანუგეშო გარდაცვლილთა ახლობლები, ჩვენ ვიზიარებთ მათ დიდ მწუხარებას. ეს არის მთელი საქართველოს ტრაგედია", - განაცხადა პარტია „რეფორმერის“ დამფუძნებელმა თორნიკე ჯანაშვილმა.

შეგახსენებთ, რომ დუშეთის მუნიციპალიტეტის სოფელ ბისოსთან მიკროავტობუსი ხრამში გადავარდა, ავტოსაგზაო შემთხვევის შედეგად 17 ადამიანი დაიღუპა, 3 კი მძიმედ დაშავდა.