ფილიპინებში მომხდარი აფეთქებების შედეგად გარდაცვლილთა რიცხვი 13-მდე, ხოლო დაშავებულთა რაოდენობა 70-მდე გაიზარდა.
ადგილობრივი ხელისუფლების ინფორმაციით, დაღუპულებსა და დაშავებულებს შორის როგორც სამხედრო პირები, ასევე მშვიდობიანი მოქალაქეები არიან. კუნძულ ჯოლოზე, მთავარ ურბანულ ცენტრში ორი ხელნაკეთი ბომბის აფეთქება ერთსაათიანი ინტერვალით მოხდა. ხელისუფლება ვარაუდობს, რომ თავდასხმის უკან ისლამისტი მეამბოხეები დგანან.
მომხდარზე პასუხისმგებლობა ჯერჯერობით არც ერთ დაჯგუფებას არ აუღია. ინციდენტის დეტალებს პოლიცია იძიებს.