პირველი არხის შენობიდან თანამშრომლების ევაკუაცია განხორციელდა

საქართველოს პირველი არხის შენობიდან თანამშრომლების ევაკუაცია განხორციელდა. როგორც არხის თანამშრომლები „ინტერპრესნიუსთან“ საუბარში აცხადებენ, მიზეზი ტელეკომპანიაში ბომბის არსებობის შესახებ შესული ზარია.

ამ დროისთვის პირველი არხის შენობის გარეთა პერიმეტრზე ათობით თანამშრომელი იმყოფება. არხის თანამშრომლის, ვასილ ივანოვ-ჩიქოვანის განცხადებით, პირველი არხი მაუწყებლობას შეუფერხებლად განაგრძობს.

„დაახლოებით ერთი საათის წინ შემოვიდა შეტყობინება, რომ შენობაში იყო ბომბი. ამის შემდეგ ორგანიზებულად დაიწყო ევაკუაცია. მალევე მოვიდნენ სამართალდამცავები. ტერიტორია დავტოვეთ და ახლა ველოდებით ნებართვას, რომ შევიდეთ შენობაში“,- განაცხადა ჩიქოვანმა.

შინაგან საქმეთა სამინისტროს ინფორმაციით, მათი თანამშრომლების მიერ მიმდინარეობს საზოგადოებრივი მაუწყებლის შენობის შემოწმება-დათვალიერება. ადგილზე იმყოფებიან გამნაღმველები.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს