თბილისში ირანის ისლამური რესპუბლიკის საელჩო ღრმა მწუხარებას გამოთქვამს შატილის გზაზე მომხდარი უმძიმესი ტრაგედიისა და ჩვიდმეტი ადამიანის დაღუპვის გამო. საელჩო გარდაცვლილთა ოჯახებს და ქართველ ხალხს უსამძიმრებს.
„საელჩო უსამძიმრებს და თანადგომას უცხადებს გარდაცვლილთა ოჯახებს და ახლობლებს, ქართველ ხალხს და საქართველოს მთავრობას”, - ნათქვამია ირანის ისლამური რესპუბლიკის საელჩოს მიერ გავრცელებულ სამძიმრის წერილში.
შეგახსენებთ, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა, გარდაიცვალა 17 ადამიანი, 3 კი მძიმედ დაშავდა.