ბერლინის კლინიკის მონაცემებით, ლაბორატორიული კვლევები მიუთითებს, რომ ალექსეი ნავალნი მოწამლეს

ბერლინის საუნივერსიტეტო კლინიკა Charite-ის ინფორმაციით, სამედიცინო გამოკვლევები მიანიშნებს, რომ ალექსეი ნავალნი, „როგორც ჩანს მოწამლეს“.

მათივე ინფორმაციით, ნივთიერება, რომლითაც ნავალნი მოწამლეს, ქოლინესთერაზას ინჰიბიტორების ქიმიური პრეპარატების ჯგუფს განეკუთვნება, თუმცა ზუსტი ნივთიერება ჯერ კიდევ არ არის დადგენილი.

„კლინიკური კვლევები მიანიშნებს მოწამლვაზე, საშუალებით, რომელიც განეკუთვნება აქტიური ნივთიერებების ჯგუფს, სახელწოდებით - ქოლინესთერაზას ინჰიბიტორები“ , - ნათქვამია ექიმების განცხადებაში.

მათივე ინფორმაციით, შხამის მოქმედება ორგანიზმზე სხვადასხვა დამოუკიდებელი ლაბორატორიების მიერ დადასტურდა. ექიმები დამატებით უფრო ღრმა კვლევას იწყებენ.

კლინიკის ინფორმაციით, პაციენტი რეანიმაციაში რჩება და კვლავ ხელოვნურ კომაშია.

შეგახსენებთ, დღეს რუსეთის ქალაქ ომსკის საავადმყოფოს ექიმებმა, სადაც რუსი ოპოზიციონერი, ალექსეი ნავალნი თავდაპირველად გადაიყვანეს, პრესკონფერენცია გამართეს და მოწამლვის ვერსია გამორიცხეს. რუსი ექიმები ირწმუნებიან, რომ ლაბორატორიული კვლევებით ქიმიური-ტოქსიკური ნივთიერება, რომელიც შეიძლება შხამად შეფასდეს, არ გამოვლენილა.

ცნობისთვის, 20 აგვისტოს, როდესაც ალექსეი ნავალნი ქალაქ ტომსკიდან მოსკოვში ბრუნდებოდა, ცუდად გახდა, ამიტომ თვითმფრინავი ქალაქ ომსკში იძულებით დაეშვა. მოგვიანებით, ნავალნი ბერლინში სამკურნალოდ გადაიყვანეს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს