ჯანდაცვის მსოფლიო ორგანიზაციის ინფორმაციით, ვაქცინების გლობალურ პროგრამა COVAX-ში ამ დროისთვის უკვე 172 ქვეყანა ჩერთო. ორგანიზაციის ხელმძღვანელის, ტედროს ადჰანომ გებრეიესუსის განცხადებით, ამჟამად შემოწმების პროცესს 9 კანდიდატი ვაქცინა გადის. მისივე თქმით, პროგრამა COVAX-ში ინვესტირება პანდემიის დასრულების ყველაზე სწრაფი გზაა.

„COVAX-ი უზრუნველყოფს დაბალ, საშუალო და მაღალი შემოსავლის ქვეყნებისთვის ვაქცინაზე დროულად წვდომას, როგორც კი უსაფრთხო და ეფექტური ვაქცინის გავრცელება დაიწყება“, - აღნიშნა გებრეიესუსმა.

მისივე თქმით, ჯანმო-ს ამ მექანიზმის მიზანია 2021 წლის ბოლოსთვის უსაფრთხო და ეფექტური ვაქცინის მინიმუმ ორი მილიარდი დოზა იყოს ხელმისაწვდომი.