ევროპის საბჭოს გენერალური მდივანი მარია პეიჩინოვიჩ-ბურიჩი შატილის გზაზე მომხდარ ავტოსაგზაო შემთხვევას ეხმაურება.

„შოკირებული და დამწუხრებული ვარ საქართველოში გუშინ მომხდარი მიკროავტობუსის ავარიით. ფიქრებით დაღუპულებთან და მათ ოჯახებთან ვართ. საქართველოს ხალხსა და მთავრობას ჩემს გულწრფელ თანაგრძნობას ვუზიარებ,“- წერს ევროსაბჭოს გენერალური მდივანი.

შეგახსენებთ, დუშეთის მუნიციპალიტეტში, შატილის გზაზე მიკროავტობუსი 80 მეტრის სიმაღლიდან გადავარდა. ბოლო მონაცემებით, 17 ადამიანი გარდაიცვალა, 3 კი დაშავდა.