სოფიო კილაძე - საზოგადოებამ შესაბამის სტრუქტურებს თუ არ აცნობა, რომ ბავშვზე ძალადობა ხდება, თუ ყველა თავს გაუფრთხილდა, რომ მოძალადემ არ გვაგინოს, საზოგადოებად ვერ შევდგებით

საზოგადოებამ თუ არ აცნობა სახელმწიფოს შესაბამის სტრუქტურებს, რომ ბავშვზე ძალადობა ხდება, თუ ყველამ გვერდზე გაიხედა, ყველა ჩვენ თავებს გავუფრთხილდით, რომ ასეთმა მოძალადე კაცმა არ გვაგინოს და შეურაცხყოფა არ მოგვაყენოს, ვერ შევდგებით საზოგადოებად, - ამის შესახებ ადამიანის უფლებათა დაცვის კომიტეტის თავმჯდომარე სოფიო კილაძემ ჟურნალისტებთან განაცხადა, რითაც გამოეხმაურა 11 წლის ბავშვის თვითმკვლელობამდე მიყვანის ფაქტს.

როგორც კილაძე ამბობს, მსგავს ფაქტებზე პასუხისმგებლობა ეკისრება როგორც საზოგადოებას, ასევე სახელმწიფოს.

„მოხდა ენით აუწერელი ტრაგედია. ჩვენ მაისიდან იუნისეფთან ერთად ავამუშავეთ ბავშვთა დახმარების ცხელი ხაზი, რომელიც არის უფასო და სრულად იქნება ანონიმურობა გარანტირებული ყველა ასეთ შემთხვევაზე, თუ გსმენიათ ასეთი ფაქტის შესახებ ძალიან გთხოვთ, მიმართეთ 111-ს, უფასო დახმარების ცხელ ხაზს, იმისთვის, რომ ჩვენ გადავარჩინოთ ბავშვები. ყველა ასეთ შემთხვევაზე საზოგადოების და იმ სტრუქტურების გულგრილობა, რომლის ვალდებულებაცაა მოახდინინ იდენტიფიცირება, გამოიკვლიონ და დაეხმარონ, არის უდიდესი მნიშვნელობის და აქ ყველას ეკისრება პასუხისმგებლობა, სახელმწიფოსაც და იმ საზიგადოებასაც, რომელმაც გულგრილად შეხედა ამ ამბავს და ხმა არ ამოიღო ასეთ გულგრილობაზე. საზოგადოებამაც თუ არ აცნობა სახელმწიფოს შესაბამის სტრუქტურებს, რომ ასეთი ამბავი ხდება, თუ ყველამ გვერდზე გაიხედა, ყველა ჩვენ თავებს გავუფრთხილდით, რომ ასეთმა მოძალადე კაცმა არ გვაგინოს და შეურაცხყოფა არ მოგვაყენოს, რაიმე არ დაგვიშავოს, ვერ შევდგებით საზოგადოებად, ამიტომ მნიშვნელოვანია სახელმწიფო და საზოგადოება დადგეს ერთად, რომ ასეთი საზარელი შემთხვევები ავიცილოთ თავიდან", - განაცხადა კილაძემ.

ცნობისთვის, 23 აგვისტოს, თერჯოლის მუნიციპალიტეტში მოზარდი გარდაცვლილი იპოვეს. დაკავებულია გარდაცვლილის მამა, რომელსაც ბრალს დღეს წაუყენებენ. გამოძიება თვითმკვლელობამდე მიყვანის მუხლით დაიწყო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს