საბერძნეთი მზადაა, აღმოსავლეთ ხმელთაშუა ზღვაში ენერგო რესურსებთან დაკავშირებით არსებული დაძაბულობის განმუხტვის მიზნით თურქეთთან დიალოგი გამართოს, მაგრამ ქვეყანა საკუთარ სუვერენულ უფლებებს დაიცავს, - ამის შესახებ საბერძნეთის საგარეო საქმეთა მინისტრმა ნიკოს დენდიასმა გერმანელ კოლეგა ჰეიკო მაასთან შეხვედრის შემდეგ განაცხადა.

მისივე თქმით, თურქეთი პროვოკაციებსა და საერთაშორისო კანონის დარღვევას განაგრძობს.

„მეზობელი და მოკავშირე ქვეყნების მხრიდან სიტუაციის დეესკალაციისკენ მოწოდების მიუხედავად, თურქეთი პროვოკაციებსა და საერთაშორისო კანონის დარღვევას განაგრძობს,“- აღნიშნა ნიკოს დენდიასმა.

მისივე თქმით, საკითხი არა მხოლოდ ნატოს ორ წევრ სახელმწიფოს, არამედ მთლიანად ევროკავშირს ეხება.

ცნობისათვის, დღესვე გერმანიის საგარეო საქმეთა მინისტრმა ჰეიკო მაასმა თურქეთსა და საბერძნეთს მათ შორის არსებული გაუგებრობის პირდაპირი დიალოგის გზით გადაჭრისკენ მოუწოდა და ქვეყნები სამხედრო დაპირისპირების რისკის შესახებ გააფრთხილა. „აღმოსავლეთ ხმელთაშუა ზღვაში არსებული სიტუაცია ცეცხლთან თამაშის ტოლფასია. ერთმა პატარა ნაპერწკალმაც კი, შესაძლოა, კატასტროფა გამოიწვიოს“ ,- აღნაშნა გერმანიის საგარეო უწყების ხელმძღვანელმა.

იხილეთ ვიდეო:საბერძნეთი მზადყოფნას გამოთქვამს, დაძაბულობის განმუხტვის მიზნით თურქეთთან დიალოგი გამართოს