მაშველებმა ინდოეთის მაჰარაშტრას შტატში ხუთსართულიანი შენობის ნანგრევებიდან 4 წლის ბიჭი გამოიყვანეს. ბავშვი ნანგრევებში 20 საათის განმავლობაში იმყოფებოდა.

შეგახსენებთ, 24 აგვისტოს, აღნიშნული შენობის ჩამონგრევის შედეგად მინიმუმ 5 ადამიანი დაიღუპა, მაშველებმა 76 ადამიანი გადაარჩინეს, 14 პირს კი ჯერ კიდევ ეძებენ. შენობაში 47 საცხოვრებელი ბინა იყო განთავსებული. ამ ეტაპზე შენობის ჩამონგრევის მიზეზი უცნობია.