თამარ ბაჩალიაშვილის დედის განცხადებით, მისი შვილის მეგობარს, დეა კაპანაძეს გარკვეული სახის ინფორმაცია აქვს და მალავს

გარდაცვლილი პროგრამისტის, თამარ ბაჩალიაშვილის დედის თეონა თამაზაშვილის განცხადებით, მისი შვილის მეგობარს, დეა კაპანაძეს გარკვეული სახის ინფორმაცია აქვს და მალავს. ამის შესახებ თეონა თამაზაშვილმა ჟურნალისტებს თბილისის პროკურატურაში შესვლამდე განუცხადა.

„დღეს აქ იმის გამო ვარ, რომ დეა იკითხება. მან დედა და ძმა მომიგზავნა და თვითონ არ მოვიდა. ესე იგი შეეშინდა, რაღაცას მალავს, რაღაც იცის და ამიტომ. დედამისმა მითხრა შენთან შესახვედრად უნდა მოვამზადოო. როცა თამუნასთან ერთად მოდიოდა, მაშინ რატომ არ სჭირდებოდა მომზადება?!“, - აცხადებს თეონა თამაზაშვილი.

მისივე თქმით, ადრე თუ გვიან გაიგებენ, რას მალავს დეა კაპანაძე.

ადვოკატმა, მიხეილ რამიშვილმა კი განაცხადა, რომ სურს გაიგოს, როგორ მიმდინარეობს ყველა იმ ადამიანის დაკითხვა, რომელიც მისი მხრიდან იყო მოთხოვნილი.

ამ წუთებში თბილისის პროკურატურაში თამარ ბაჩალიაშვილის ოჯახის წევრები და ადვოკატი იმყოფებიან.

ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5 - დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა