ბრაზილიაში კორონავირუსის 47 134 ახალი შემთხვევა დადასტურდა და ინფიცირებულთა საერთო რაოდენობა 3 669 995-მდე გაიზარდა, - შესაბამის მონაცემებს ბრაზილიის ჯანდაცვის სამინისტრო ავრცელებს.
ამავე მონაცემების თანახმად, ქვეყანაში კოვიდ 19-ს კიდევ 1 271 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 116 580-ს მიაღწია.
აღსანიშნავია, რომ კორონავირუსი ბრაზილიის პრეზიდენტის ჟაირ ბოლსონარუს ვაჟს, ფლავიო ბოლსონარუსაც, დაუდასტურდა, რომელიც სენატორია. გავრცელებული ინფორმაციით, მას ვირუსის სიმპტომები არ აქვს და მოვალეობის შესრულებას დისტანციურად განაგრძობს.
ცნობისათვის, როგორც კოვიდინფიცირებულების, ასევე ვირუსით დაღუპულთა რაოდენობთ, ბრაზილია მეორე ადგილზეა მსოფლიოში აშშ-ის შემდეგ.