ივანე მაჭავარიანი - მსოფლიო ბანკის საწარმოთა კვლევაში საქართველოს მიერ მიღწეული შედეგი საამაყოა

მსოფლიო ბანკის საწარმოთა კვლევაში საქართველოს მიერ მიღწეული შედეგი საამაყოა, ზოგადად, ქვეყნისთვის და პირადად ჩემთვის, როგორც საგადასახადო ორგანოს ხელმძღვანელისთვის, - განაცხადა ფინანსთა მინისტრმა ივანე მაჭავარიანმა მსოფლიო ბანკის საწარმოთა კვლევის შედეგების კომენტირებისას.

როგორც მან აღნიშნა, კვლევამ მოიცვა 144 ქვეყანა და მრავალი ათასი კომპანია, მათ შორის, 500-ზე მეტი კომპანია საქართველოში.

"მსოფლიო ბანკის საწარმოთა კვლევა ტარდება 4 წელიწადში ერთხელ. ამ შემთხვევაში, მოიცვა 2019 წლის გაზაფხულიდან 2020 წლის დასაწყისამდე პერიოდი. ძალიან საინტერესო და სასიხარულოა, რომ ამ 144 ქვეყნაში კორუფციის დონით, ჩვენ საუკეთესო ათეულში ვართ, რაც ყველაზე დაბალი ნიშნულია. თავად კორუფცია ფასდება რამდენიმე პარამეტრით. ერთ-ერთია, რამდენად მოუწია ქრთამის აღება სხვადასხვა კომპანიას. ამ შედეგით, 10 ყველაზე ნაკლებად კორუმპირებულ ქვეყნათა რიგში ვართ მსოფლიოში. ასევე, 10 საუკეთესო ქვეყანას შორს მოხვდა საქართველო მოსყიდვის წნეხისგან თავისუფლების მიხედვით. ყველაზე ნიშანდობლივი და საინტერესოა, რომ ისეთ სფეროებში, რომლებიც ტრადიციულად მაღალრისკიანია კორუფციის თვალსაზრისით, მაგალითად: ნებართვების გაცემა, ლიცენზიების გაცემა, ასევე, საგადასახადო ორგანოებთან ურთიერთობა, აქ განსაკურებით დაბალია ეს მაჩვენებელი," - განაცხადა ფინანსთა მინისტრმა ივანე მაჭავარიანმა.

მისივე თქმით, მსოფლიო ბანკის კვლევა კიდევ ერთხელ ნათლად ადასტურებს, რა პროგრესს მიაღწია ქვეყანამ კორუფციასთან ბრძოლის მიმართულებით ბოლო წლებში.

შეგახსენებთ, რომ კვლევის თანახმად, საქართველო ქრთამის აღების შემთხვევების სიმცირითა და მოსყიდვის წნეხისგან თავისუფლების მიხედვით მსოფლიოს საუკეთესო ათეულში მოხვდა. საწარმოთა კვლევა ტარდება 4 წელიწადში ერთხელ და მისი მიზანია, ბიზნესგარემოს შეფასება. აღნიშნული კვლევა საქართველოში ბოლოს 2019 წლის მარტიდან 2020 წლის იანვრის ჩათვლით ჩატარდა. ამ პერიოდში საქართველოში გამოიკითხნენ 581 კომპანიის მფლობელები და მაღალი რანგის მენეჯერები.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს