25 აგვისტოს საპროტესტო აქციების დროს სამართალდამცავებმა 51 დემონსტრანტი დააკავეს, - მედიის ინფორმაციით, ამის შესახებ ბელარუსის შინაგან საქმეთა სამინისტრომ დღეს განაცხადა. მათივე ინფორმაციით, ყველაზე მეტი მოქალაქე შეიკრიბა მინსკში, ბრესტსა და მოლოდეჩნოში.
შეგახსენებთ, ბელარუსში საპროტესტო აქციები 9 აგვისტოს ჩატარებული საპრეზიდენტო არჩევნების შემდეგ არ წყდება. მოქალაქეები არჩევნების ოფიციალურ შედეგებს აპროტესტებენ, პრეზიდენტ ალექსანდრე ლუკაშენკოს გადადგომასა და ხელახალი არჩევნების ჩატარებას მოითხოვენ.