არჩილ თალაკვაძე „პატრიოტთა ალიანსის“ ლიდერების აფხაზეთში ჩასვლაზე - პარტიების ქმედებებზე კითხვები უნდა დაუსვათ მათ, ეს არის მათი გადაწყვეტილებები

ჩვენ ვართ სახელისუფლებო პარტია, რომელმაც საზოგადოების მხარდაჭერით, ამ წლების განმავლობაში, ქვეყნის სხვა ხელისუფლებებთან შედარებით, ყველაზე უკეთ მოახერხა უსაფრთხოების, სტაბილურობისა და მშვიდობის დაცვა ქვეყანაში, შესაბამისად ჩვენი ძალისხმევა მიმართულია ტერიტორიული მთლიანობის აღდგენისკენ მშვიდობიანი, დემოკრატიული განვითარების გზით, - ამის შესახებ პარლამენტის თავმჯდომარე არჩილ თალაკვაძემ ჟურნალისტების კითხვის პასუხად განაცხადა, იცოდა თუ არა მმართველმა პარტიამ რომ „პატრიოტთა ალიანსის“ ოკუპირებული აფხაზეთის ტერიტორიაზე ვიზიტით იმყოფებოდა და რა პოზიცია აქვთ მმართველ გუნდში „პატრიოტთა ალიანსის“ ლიდერების მიერ გაკეთებულ განცხადებაზე ოკუპირებული აფხაზეთის დამოუკიდებლობის აღიარებასთან დაკავშირებით.

თალაკვაძის განმარტებით, ხელისუფლება ყველაფერს აკეთებს ტერიტორიული მთლიანობის აღდგენისთვის და ამაში საქართველოს მხარს საერთაშორისო პარტნიორები უჭერენ.

„ჩვენ გვჯერა, რომ მშვიდობიანი, დემოკრატიული განვითარებით ჩვენ შევძლებთ, ჩვენი ქვეყნის ტერიტორიული მთლიანობის აღდგენას და ჩვენთვის, რა თქმა უნდა, უსაფრთხოება, მშვიდობა, სტაბილურობა არის ძალიან მნიშვნელოვანი პრიორიტეტი. რაც შეეხება სხვა პოლიტიკური პარტიების ქმედებებს, ეს კითხვები უნდა დაუსვათ მათ, ეს არის მათი გადაწყვეტილებები. ამავე დროს, ჩვენ განვაგრძობთ ზრუნვას ჩვენს დევნილებზე, რომლებიც ელოდებიან სახლებში დაბრუნებას და ჩვენ ყველაფერს გავაკეთებთ იმისთვის, რომ ვიდრე ტერიტორიული მთლიანობა არ აღდგება, ვიდრე ჩვენი დევნილები არ დაბრუნდებიან საკუთარ სახლებში, მათ ჰქონდეთ ღირსეული პირობები უზრუნველყოფილი,“- განაცხადა არჩილ თალაკვაძემ.

ცნობისთვის, „პატრიოტთა ალიანსის“ ერთ-ერთმა ლიდერმა ირმა ინაშვილმა დაადასტურა, რომ ოკუპირებულ აფხაზეთში იმყოფებოდა.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს