ირაკლი აბესაძე - შეუძლებელია, ბავშვურად იმართლებდე თავს, რომ განუსაზღვრელი ოდენობის ნალექი მოვიდა და გზა ჩავარდა - ეს არის მფლანგველობა, ბიუჯეტის ფულის მოპარვა

თბილისის მერია არ ღალატობს უკვე დამკვიდრებულ ჩვეულებას და ბიუჯეტიდან ათეულობით მილიონს კორუფციულად ხარჯავს, - ასე აფასებს "ევროპული საქართველოს" წევრი ირაკლი აბესაძე გლდანში, ხიზანიშვილის ქუჩაზე, ახლარეაბილიტირებული ასფალტის საფარის ჩანგრევას. მისი თქმით, ჩავარდნილი ასფალტის მოწესრიგებას კიდევ რამდენიმე ასეულობით ათასი ლარი დასჭირდება, შედეგად კი ქვეყანაში მილიონობით ლარი კორუფციულად იფლანგება.

„შეუძლებელია დახარჯო 13 მილიონი ლარი, გზის კაპიტალური რეკონსტრუქცია მოახდინო და პირველივე წვიმის შემდეგ გზის საფარი მთლიანად ჩავარდეს, პროფესიულ დონეზე არ გქონდეს დაგმილი და განხორციელებული სანიაღვრე ქსელების მოწყობა, შემდგომ კი ბავშვურად იმართლებდე თავს, რომ განუსაზღვრელი ოდენობის ნალექი მოვიდა. კარგად ვიცით, რომ სხვა, ძველი გაკეთებული გზები არ ჩავარდნილა. სწორედ იქ ჩავარდა, სადაც მერიამ რეკონსტრუქცია ახლახანს დაამთავრა. ეს არის მათი მხრიდან მფლანგველობა, ბიუჯეტის ფულის მოპარვა და არაპროფესიონალიზმი", განაცხადა ირაკლი აბესაძემ.

შეგახსენებთ, რომ გლდანში, ახალრეაბილიტირებული ხიზანიშვილის ქუჩის საავტომობილო ნაწილზე ასფალტის საფარი ჩაინგრა. აღნიშნულის გამო, ხიზანიშვილის ქუჩის ნაწილზე საავტომობილო მოძრაობა დროებით შეზღუდულია.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა