მაია ცქიტიშვილი - ანტიკორუფციული პრაქტიკა, რაც წლების განმავლობაში ინერგება, შედეგიანია

10 ყველაზე ნაკლებად კორუმპირებულ ქვეყანას შორის დასახელება მნიშვნელოვანი შედეგია, როგორც რეგიონის, ისე მსოფლიოს მასშტაბით, - ამის შესახებ საქართველოს ვიცე-პრემიერმა რეგიონული განვითარებისა და ინფრასტრუქტურის მინისტრმა მაია ცქიტიშვილმა მსოფლიო ბანკის საწარმოთა კვლევის შედეგების კომენტირებისას განაცხადა.

მაია ცქიტიშვილის განცხადებით, ანტიკორუფციული პრაქტიკა, რაც წლების განმავლობაში ინერგება, შედეგიანია.

„დინამიკაში, ქრთამის შეთავაზებისა და ქრთამის აღებაზე უარის თქმის მაჩვენებლები, 2012 წლიდან, შესაბამისად 8-ჯერ და 15-ჯერაა გაუმჯობესებული.

ეს აჩვენებს, რომ მოქალაქეებმა იციან მათთვის საჭირბოროტო საკითხების გადაწყვეტა საჯარო მოხელეების მოვალეობაა და საჭირო არაა ქრთამის შეთავაზება.

ყურადღება უნდა მივაქციოთ იმ ფაქტს, რომ ეს კვლევა ჩატარდა ბიზნეს სუბიექტებს შორის, ვისაც ხშირად უწევს სახელმწიფოსთან ურთიერთობა იმ ჭრილში, სადაც თეორიულად შესაძლოა იყოს კორუფციის რისკი.

ეს მაჩვენებლები მეტყველებს იმაზე, რომ სახელმწიფო ბიუროკრატია გამართულად მუშაობს და ანტიკორუფციული პრაქტიკები, რასაც წლების განმავლობაში ვნერგავთ, არის შედეგიანი. რა თქმა უნდა, ეს ყველაფერი გავლენას ახდენს, ზოგადად, ეკონომიკურ აქტივობებსა და საინვესტიციო გარემოზე, რაც უკვე სხვა შეფასებებსა და რეიტინგებში ასევე დადებითად აისახება,“ - აღნიშნა მაია ცქიტიშვილმა.

კვლევის თანახმად, ქრთამის აღების შემთხვევების სიმცირითა და მოსყიდვის წნეხისგან თავისუფლების მიხედვით მსოფლიოს 144 ქვეყანას შორის საქართველო საუკეთესო ათეულში მოხვდა. საწარმოთა კვლევა 4 წელიწადში ერთხელ ტარდება და მისი მიზანი ბიზნესგარემოს შეფასებაა.

ინფორმაციას რეგიონული განვითარებისა და ინფრასტრუქტურის სამინისტრო ავრცელებს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს