„ერთიანი ნაციონალური მოძრაობის“ პოლიტიკური საბჭოს თავმჯდომარემ და გაერთიანებული ოპოზიციის გლდანის მაჟორიტარობის კანდიდატმა ნიკა მელიამ, მთაწმინდის ამომრჩეველს შალვა შავგულიძის კანდიდატურა წარუდგინა. ინფორმაციას „ნაციონალური მოძრაობის“ პრესსამსახური ავრცელებს.
როგორც პარტიაში აცხადებენ, „ნაცმოძრაობა“ 2020 წლის ოქტომბრის არჩევნებზე მთაწმინდის ოლქში სწორედ შავგულიძის კანდიდატურას უჭერს მხარს.
ნიკა მელიას განცხადებით, არჩევნებზე ოპოზიცია დამაჯერებელ გამარჯვებას მოიპოვებს.