გიგლა მიქაუტაძე - გლდანში გზის ჩავარდნა ელიტური კორუფციის შედეგია, რომელიც ოქტომბერში უნდა დავამარცხოთ

„ლელო საქართველოსთვის“ ლიდერის გიგლა მიქაუტაძის შეფასებით, გლდანში, ხიზანიშვილის ქუჩაზე ახლად რეაბილიტირებული გზის ჩანგრევა „ქართული ოცნების“ 8 - წლიანი მმართველობის სახეა. მისი თქმით, აღნიშნული პროექტისთვის 13 მილიონი ლარი დაიხარჯა და სამუშაოები ერთი წლის დაგვიანებით დასრულდა.

„ასეთი შედეგი დგება მაშინ, როცა ქვეყანას არაპროფესიონალები და კორუმპირებულები მართავენ, ხოლო მაჟორიტარი დეპუტატები 4 წლის განმავლობაში ჩუმად სხედან პარლამენტში. ეს არის პირდაპირი შედეგი იმისა, რომ ტენდერებს მხოლოდ მმართველ პარტიასთან დაახლოებული კომპანიები იგებენ, რომლებიც შემდეგ, არც თუ შემთხვევით, „ქართული ოცნების“ შემომწირველთა სიაში აღმოჩნდებიან. დროა, დავასრულოთ ელიტური კორუფცია ქვეყანაში, თუ გვინდა, რომ სახელმწიფოც ამ გზასავით არ ჩამოგვექცეს. „ლელოს“ გუნდი ხელისუფლებაში მოსვლისთანავე დაშლის წლების განმავლობაში გამეფებულ მაფიას საგზაო ინფრასტრუქტურის ბიზნესში და დანერგავს ევროპულ, კონკურენტულ და სამართლიან სისტემას სახელმწიფო ტენდერებში, რითაც დაიზოგება ასეულობით მილიონი ლარი სახელმწიფო ბიუჯეტიდან“,-აცხადებს მიქაუტაძე.

შეგახსენებთ, რომ გლდანში, ახალრეაბილიტირებული ხიზანიშვილის ქუჩის საავტომობილო ნაწილზე ასფალტის საფარი ჩაინგრა. აღნიშნულის გამო, ხიზანიშვილის ქუჩის ნაწილზე საავტომობილო მოძრაობა დროებით შეზღუდულია.

გიგლა მიქაუტაძის კომენტარს „ლელო საქართველოსთვის“ პრესსამსახური ავრცელებს.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს