27 აგვისტოს, ცხოველთა მონიტორინგის სააგენტო მიუსაფარი ძაღლების გამოსაკვებად განკუთვნილ აპარატებს ორ მისამართზე განათავსებს. თბილისის მერიის ცნობით, 11:00 საათზე, აღნიშნული აპარატი ვარკეთილის 3, მესამე ა მიკრორაიონში, ე. თაყაიშვილის ქუჩის მიმდებარედ არსებულ სკვერში განთავსდება, ხოლო 12:30 საათზე, კიკვიძის პარკში.

მერიის ინფორმაციით, აპარატის მუშაობას ადგილზე ცხოველთა მონიტორინგის სააგენტოს დირექტორის მოადგილე ნიკოლოზ ქობულაძე, სამგორის რაიონის მაჟორიტარი დეპუტატი რევაზ სოხაძე, გარემოს დაცვის კომისიის თავმჯდომარე გიორგი დოხტურიშვილი, სამგორის რაიონის გამგებლის მოადგილე სოსო ბურდულაძე და ნაძალადევის რაიონის მაჟორიტარი დეპუტატი ალექსანდრე ხუჯაძე დაესწრებიან.