ქალაქის მთავარ სამმართველოში გამოკითხვაზე მოძრაობა „ხალხისთვის” ლიდერი, ანა დოლიძე მივიდა.
ანა დოლიძის განმარტებით, გამოძიებას ინფორმაციას 13 აგვისტოს, წერეთელზე მომხდარი ინციდენტის შესახებ მიაწვდის, როდესაც ერთ-ერთი შეხვედრის დროს მათ ახალგაზრდა მამაკაცების ჯგუფმა სიტყვიერი შეურაცხყოფა მიაყენა.
მისივე თქმით, აღნიშნული ჯგუფი „ქართულ ოცნებასთან” პირდაპირ კავშირშია.
„დაბარებული ვარ გასაუბრებაზე, რომ მივაწოდო პირველადი ინფორმაცია და ვიდეომასალა. ეს ჯგუფები პირდაპირ ალიანსში არიან მმართველ პარტიასთან. გამომდინარე იქიდან, რომ ვერცერთ გამოძიებაზე მანამდე შედეგი ვერ ვნახე, სკეპტიკურად ვარ განწყობილი, რომ დადგება რაიმე შედეგი, თუმცა ჩვენი მოქალაქეობრივი ვალია ამ თავდასხმაზე კონკრეტული ინფორმაცია მივაწოდო აქაც და სადამკვირვებლო ორგანიზაციებსაც. ეს იყო ჩვენზე თავდასხმა. მოვარდა რამდენიმე ახალგაზრდა, თავს დაგვესხა მუქარით, გინებით და საშინელი შეურაცხყოფით,” - აღნიშნა ანა დოლიძემ.
იხილეთ ვიდეო:ანა დოლიძე გამოკითხვაზე მივიდა