"რესპუბლიკური პარტიის" თავმჯდომარე ხათუნა სამნიძე ფიქრობს, რომ "ნაციონალური მოძრაობის" გადაწყვეტილება, ისნის ოლქში საკუთარი კანდიდატის დაყენების შესახებ, ამომრჩევლის კარნახით იყო განპირობებული.
მისივე თქმით, ხატია დეკანოიძეს აღნიშნულ ოლქში წარმატებებს უსურვებს.
"ხატია დეკანოიძე არის ქალი პოლიტიკოსი, ის არის მაჟორიტარობის ძალიან აქტიური კანდიდატი. მე მას წარმატებას ვუსურვებ და დარწმუნებული ვარ, რომ ეს გადაწყვეტილება განპირობებული იყო ამომჩევლის კარნახით. ვინ დაარღვია შეთანხმება, დაირღვა თუ არა საერთოდ შეთანხმება? - ახლა,მთავარია, ვკონცენტრირდეთ მთავარ ამოცანაზე, რაც ბიძინა ივანიშვილის ხელისუფლებიდან ჩამოშორებას ნიშნავს. ამისათვის ოპოზიციური პარტიები ერთიანნი არიან. საკოორდინაციო საბჭოში დღევანდელი შეხვედრაც ამ პროცესის კიდევ ერთი დასტურია. ჩვენ მზად ვართ შევთანხმდეთ მთავარ ამოცანაზე და ვიმუშაოთ კოორდინირებულად", - განაცხადა სამნიძემ.