„თავისუფალი საქართველო“ ქუთაისის მერად გაგა გოგრიჭიანს წარადგენს

„თავისუფალი საქართველო“ საპარლამენტო არჩევნების პარალელურად, ქუთაისში მერობის კანდიდატურას დაასახელებს. ამის შესახებ დღეს, პარტიის ლიდერმა, კახა კუკავამ განაცხადა.

მისი თქმით, ქუთაისი ადგილობრივი მოსახლეობისგან იცლება.

„ერთ დროს ინდუსტიულად განვითარებულ ქალაქში ყველაფერი გაჩერებულია. ხელისუფლება წლიდან წლამდე, მხოლოდ დაპირებებით „კვებავს“ ქუთაისელებს, თუმცა რეალურად ვხედავთ, რომ ისტორიულად ამ უძველეს, დიდი კულტურის ქალაქში, თითქმის არაფერი არ გაკეთებულა. ქუთაისი ადგილობრივი მოსახლეობისგან იცლება, ისევე როგორც დანარჩენი საქართველო, რაც ცენტრალური და ადგილობრივი ხელისუფლების მავნებლური პოლიტიკით არის განპირობებული“, - განაცხადა კახა კუკავამ.

მისივე განცხადებით, ადგილობრივ არჩევნებში, „თავისუფალი საქართველო“ გაგა გოგრიჭიანს წარადგენს.

„ჩვენი კანდიდატის პატრიოტიზმსა და პროფესიონალიზმში დარწმუნებული ვარ. გაგა გოგრიჭიანი ქუთაისელების საუკეთესო არჩევანია, რომელიც მზად არის 24 საათის განმავლობაში ემსახუროს ქუთაისსა და ქუთაისელებს“, - განაცხადა კახა კუკავამ.

მერობის კანდიდატის გაგა გოგრიჭიანის განცხადებით, მისი მერად არჩევის შემთხვევაში, ქალაქში ცხოვრებისა და განვითარების ახალი ეტაპი დაიწყება.

„ჩვენი ამომრჩევლების მხარდაჭერის შემთხვევაში, მზად ვარ ავიღო ქალაქის მერის პასუხისმგებლობა და ყველა იმ გამოწვევას ადეკვატურად ვუპასუხო, რომელიც დღეს, ქუთაისისა და მისი მოსახლეობის წინაშე დგას. სამწუხაროა, რომ ქუთაისს დღემდე არ ჰყოლია ისეთი მერი, რომელიც ქალაქს და მის მოსახლეობას მიხედავს და მათზე გულშემატკივრის პოზიციიდან გამომდინარე იზრუნებს“, - განაცხადა გაგა გოგრიჭიანმა.

ქუთაისში მერის არჩევნები 2020 წლის 31 ოქტომბერს გაიმართება.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს