ისანში, ისევე როგორც საბურთალოზე, კანდიდატების სიმრავლეა და ეს არაა გასაკვირი, რადგან რამდენიმე პოლიტიკოსის უსაფუძვლო ამბიციებმა ოპოზიციის ერთობის იდეა თავშივე მოკლა, - ამის შესახებ პარტია "მოქალაქეების" პოლიტსაბჭოს წევრმა ლევან იოსელიანმა განაცხადა, რითაც "ნაციონალური მოძრაობის" მიერ ისანში მაჟორიტარობის კანდიდატის წარდგენას გამოეხმაურა.

ლევან იოსელიანის თქმით, გაერთიანებული ოპოზიცია რეალურად არ არსებობს და შესაბამისად გასაკვირი არაა, რომ ყველაზე დიდი ოპოზიციური პარტია ისანში კანდიდატს აყენებს.

„ისანში ორი ძლიერი კანდიდატია, დავით ჭიჭინაძე და ხატია დეკანოიძე, მეორე ტურში მე სწორედ მათ ხილვას ვისურვებდი", - აღნიშნავს ლევან იოსელიანი, რომლის კომენტარსაც პარტიის პრესსამსახური ავრცელებს.