გიგა ბოკერია სააკაშვილის განცხადებაზე - ეს ამბავი, რომ ერთი იძახის დავბრუნდები და მეორე ამბობს, ვერ დაბრუნდება და დევნას აგრძელებენ, უნდა დასრულდეს

იმას, თუ ვისი ადგილია პოლიტიკაში, წყვეტს ქართველი ამომრჩეველი, ოღონდ ეს არ ნიშნავს იმას, რომ ვიღაც მესიასავით ბრუნდება და ის გადაარჩენს ქვეყანას. ეგ ეგრე ვერ მოხდება, მაგრამ დევნილი არავინ უნდა იყოს,- ამის შესახებ „ევროპული საქართველოს" ერთ- ერთმა ლიდერმა, გიგა ბოკერიამ დაბრუნებასთან დაკავშირებით მიხეილ სააკაშვილის განცხადების კომენტირებისას აღნიშნა.

როგორც მან თქვა, არ დაუთვლია მერამდენე წრეზე მიდის სააკაშვილი ამ განცხადებით, თუმცა, ეს წრე, როცა ქვეყანას ჰყავს პოლიტიკური დევნილები, უნდა დასრულდეს.

„არ ვიცი, რას გულისხმობენ და მიხეილ სააკაშვილი როდის დაბრუნდება, მაგრამ „ევროპული საქართველოს" და მე ვიტყოდი, საქართველოს ამოცანაა, რომ ეს ერთიდაიგივე სცენარი დასრულდეს. ეს ამბავი, რომ ერთი იძახის დავბრუნდები და მეორე ამბობს, ვერ დაბრუნდება და დევნას აგრძელებენ, უნდა დასრულდეს. ქვეყანა უნდა წავიდეს წინ და ამაში იგულისხმება ისიც, რომ ვიღაც იძახის მეხუთეჯერ, რომ დაბრუნდება და ვერ ბრუნდება, რადგან დევნილია, უნდა დასრულდეს. ეს წრე, რომ პოლიტიკური დევნილები არსებობენ, უნდა დასრულდეს. ეს ვითარება შექმნა ივანიშვილის რეჟიმმა. პოლიტიკური დევნილები გვყავს და ჩვენ ამას დავასრულებთ არა მხოლოდ ერთი ფიგურისთვის, არამედ ყველასთვის. ეს (სააკაშვილის განცხადება) ჩემთვის არის შეხსენება იმ არანორმალური ვითარების, რომელიც გვაქვს“, - განაცხადა ბოკერიამ.

რაც შეეხება „ნაციონალური მოძრაობის" მხრიდან მიხეილ სააკაშვილის პრემიერ- მინისტრობის კანდიდატად დასახელებას, როგორც ბოკერია ამბობს, ამ გადაწყვეტილების გარშემო კოალიცია ვერ შეიკვრება.

„ყველა პოლიტიკური ძალის უფლებაა, რომ მას ვინც სურს კანდიდატად ის დაასახელოს. ჩვენ ამ კანდიდატს მხარს არ ვუჭერთ. ჩვენ ჩვენი ხედვა გვექნება და თუ პროგნოზზე მეკითხებით, რა თქმა უნდა ვერ მოხერხდება ამის გარშემო კოალიციის შეკვრა, კოალიციას შევკრავთ ჩვენ, "ევროპული საქართველო", რადგან ხედვა გვაქვს ქვეყანა ამ ჩიხიდან როგორ გამოვიყვანოთ",- განაცხადა ბოკერიამ.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
პაატა დავითაია - ვინც საპარლამენტო არჩევნების წინ ფართო გაერთიანების მოდელს შესთავაზებს ამომრჩეველს, მოგებაც მის მხარეს იქნება - ვინც ამ სისტემით გავა არჩევნებზე, ის მინიმუმ გაყოფს ხელისუფლებას, მაქსიმუმ - მოიპოვებს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს