ეს არჩევნები გადაწყვეტს, კანონმორჩილ ამერიკელებს დავიცავ, თუ ძალადობრივი ანარქიის აგიტატორებსა და კრიმინალებს მივანიჭებთ თავისუფლებას, - ამის შესახებ აშშ-ის პრეზიდენტმა დონალდ ტრამპა „რესპუბლიკური პარტიის“ ყრილობის მეოთხე, დასკვნით დღეს განაცხადა.
ერთსაათიანი სიტყვით გამოსვლისას პრეზიდენტმა ტრამპმა თავისი მეტოქე, „დემოკრატიული პარტიის“ საპრეზიდენტო კანდიდატი ჯო ბაიდენი მკაცრად გააკრიტიკა და აღნიშნა, რომ მისი გაპრეზიდენტების შემთხვევაში აშშ-ში უსაფრთხოდ არავინ იქნება.
”ჯო ბაიდენის ამერიკაში უსაფრთხოდ არავინ იქნება. ეს არჩევნები გადაწყვეტს, კანონმორჩილ ამერიკელებს დავიცავთ, თუ ძალადობრივ ანარქიის აგიტატორებსა და კრიმინალებს მივანიჭებთ თავისუფლებას, რომლებიც ემუქრებიან ჩვენს მოქალაქეებს”, - განაცხადა ტრამპმა.
ცნობისთვის, დონალდ ტრამპმა „რესპუბლიკური პარტიის“ შეთავაზება პრეზიდენტობის კანდიდატად წარდგენაზე ოფიციალურად მიიღო.